Toh fa Iyayen Daliban da aka sace sun ba El-Rufai awa 48 ya dawo musu da yaransu

Toh fa Iyayen daliban da aka sace a wata kwaleji a Kaduna sun ba da wa’adi ga gwamnati ta ceto yaransu

Advertisements
Advertisements

Iyayen sun koka kan yadda gwamnati ke jinkiri wajen jajircewa don ceto yaran nasu da aka sace

Sun kuma tuhumi gwamnatoci da nuna halin ko-in-kula da sace daliban da aka yi a kwanan nan Iyayen daliban da aka sace na Kwalejin Noma da Ilimin Gandun Daji ta Tarayya da ke karamar Hukumar Igabi a Jihar Kaduna, sun bada wa’adin awanni 48 ga Gwamnatin Jiha da ta Tarayya don ceton ’ya’yansu.

Wannan ya kasance daidai lokacin da iyayen, cikin kuka, suka yi kira ga Majalisar Dinkin Duniya, Kungiyar Lauyoyi ta Najeriya, Kungiyar Ma’aikatan Jami’o’i da shugabannin duniya da su tabbatar da hanzarta kubutar da ‘ya’yansu daga ‘yan bindiga.

  Ibtila'in Gobara ya kona babbar kasuwar Doya a Filato baki daya

Yayin da suke jawabi ga taron manema labarai a ranar Litinin, iyayen sun ce hukumar makarantar ko gwamnatoci ba su yi musu bayani ba game da kokarin kubutar da yaransu, jaridar Punch ta ruwaito.

A cewarsu, shirun da mahukuntan da abin ya shafa suka yi ya yi tsawo, saboda haka sun ba da wa’adin awanni 48 da ya kamata a ceci yaransu.

Iyayen sun kuma yi kuka da nuna halin ko-in-kula da gwamnatocin ke nunawa game da batun yaran da wasu ‘yan bindiga suka sace su kwanaki 12 a kwalejin.

Sun yi tambaya kan dalilan da ke haifar da rashin sha’awar gwamnatoci don ceton ‘ya’yansu da suke rabi tsirara lokacin harin.

  Sojojin Najeriya sunyi babbar mamaya a garin Dikwa

A cewarsu, gwamnatoci daban-daban sun yi hanzari lokacin da irin wannan ya faru a jihohin Zamfara, Katsina da Neja, suna tuhumar me yasa na jihar Kaduna ya bambanta.

A wani labarin daban, Wani shugaban ‘yan bindiga a jihar Zamfara, Shehu Rekeb, ya ce kungiyar sa ta haramta ayyukan hakar ma’adanai a duk wuraren da su ke aiki.

Gwamnatin Tarayya ta alakanta ayyukan masu hakar ma’adanai da ‘yan bindiga, kuma ta ba da umarnin dakatar da hakar ma’adanai a jihar.

Amma a zantawarsa da Daily Trust, Rekeb ya ce tun kafin umarnin na gwamnatin tarayya, kungiyar tasa ba ta barin masu hakar ma’adanai a wuraren da suke da karfi.

  Anyanke wa barawon doya hukincin kisa ta anyar rataya-Rai ya zama banza