FG Ta amince ta biya ma’aikatan N-power rukunin A & B kudadensu

sadiya umar

Minista Sadiya Umar Farouq ta amince da a biya ma’aikatan N-Power da aka sallama kudadensu, karkashin N-SIP

Advertisements
Advertisements

Sadiya ta bayyana cewa rukunin A da B na ma’aikatan N-Power sun riga da sun san cewa aikinsu na watanni 24 ne

– Ministar ta kuma bayyana cewa wadanda suka nuna sha’awar shiga shirin a rukuni a C za a tantancesu tare da daukarsu ne bisa cancanta

Ma’aiakatar jin kai da bunkasa rayuwa, karkashin Sadiya Umar Farouq ta amince da a biya ma’aikatan N-Power da aka sallama kudadensu, karkashin N-SIP.

Biyan bashi: FG ta amince a biya ma'aikatan N-Power da aka sallama kudadensu
Biyan bashi: FG ta amince a biya ma’aikatan N-Power da aka sallama kudadensu

A ranar Litinin 24 ga watan Agusta 2020, Ministar ta amince da abiya basussukan da tsofaffin ma’aikatan ke bi, wadanda ke a rukuni na A da B.

  Tsandareriyar budurwa na neman saurayi ta hanyar saka hotunanta a yanar gizo

Tuni dai aka tura bukatar biyan basussukan har zuwa watan Yuni, 2020 ga ofishin babban akanta na kasa domin kammala bincike da biyan kudaden.

A yanzu dai kudaden watan Yuli na wasu daga cikin ‘yan rukunin B ne ba a kai ga biya ba, kuma bukatar na gaban ofishin akantan.

Bayanin hakan na kunshe ne a cikin wata sanarwa daga hadimin ministar ta fuskar watsa labarai, Nneka Ikem Anibeze da aka rabawa manema labarai a ranar Alhamis.

Sanarwar ta bayyana cewa masu cin gajiyar shirin 14000 da aka cire sunayensu daga ofishin AGF a yayin biyan kudin watan Maris zuwa Yuni 2020, na daga cikin wadanda manhajar GIPMIS ta ki karbar bayanan bankunan biyan kudinsu.

  MC Tagwaye ya auri Maryam Uwais 'yar mai bai wa Buhari shawara

A cewar rahoton ofishin AGF, duk wani mai cin gajiyar shirin da ke karbar albashi daga gwamnati ba zai samu kudinsa ba.

Ma’aikatar FMHADMSD ta bukaci wadanda abun ya shada da su gabatar da dalilan da ya sanya basu samu kudinsu ba daga ofishin AGF, inda ta sha alwashin yin mai yiyuwa wajen biyansu.

Idan har kuwa basu samu kudadensu ba saboda wani kuskure na daban, to ma’aikatar ta bada tabbacin biyansu cikin karamin lokaci da zaran ofishin AGF ya gyara kuskuren.

Minista Sadiya Farouq ta bayyana cewa rukunin A da B na ma’aikatan N-Power sun riga da sun san cewa aikinsu na watanni 24 ne, don haka bai kamata a samu sabani ba don an sallame su.

  Alama 18 dake bambanta Maleriya da Korona

Kari da hakan, ma’aikatar ta ce a shekarar da ta gabata ne ta karbi ragamar shirin, kuma babu wani shiri na mayar da ma’aikatan su zama na din din din a gwamnatance.

Ministar ta kuma bayyana cewa wadanda suka nuna sha’awar shiga shirin a rukuni a C za a tantancesu tare da daukarsu ne bisa cancanta.