Boko Haram ta dauki nauyin duk wani kashe kashe da ake a arewa

Boko Haram ta yi ikirarin cewa ita ta kaddamar da kisan kiyashi a garin Zabarmari, Borno

Advertisements
Advertisements

A cewar wani kwamandan kungiyar, sun aiwatar da mummunan harin ne domin fansar mutanensu da sojojin Najeriya suka kashe

Ya kuma gargadi yan farar hula a kan su guji yi musu leken asiri ko su dandana kudarsu

Kungiyar ta’addanci ta Boko Haram ta dauki alhakin harin da aka kai garin Zabarmari na jihar Borno.

A wani bidiyo da ta saki a ranar Talata, kwamandan kungiyar ya yi jawabi a faifan inda ya bayyana cewa sun aiwatar da kisan kiyashin ne domin rama kisan mambobinsu da sojojin Najeriya suka yi.

  Boko Haram: Dakarun Sojin Najeriya sun Fusata Kwarai akan kashe Kanal Bako

Kungiyar ta gargadi yan farar hula da su guji yin leken asiri a kansu, shafin HumAngle ta wallafa a Twitter.

A ranar Asabar ne kungiyar yan ta’addan ta yiwa wasu manoman shinkafa kisan kiyashi inda ta kashe akalla mutane 43 a jihar ta Borno.

A halin yanzu, biyo bayan kisan manoma 43 a jihar Borno wanda yan Boko Haram suka yi, an bukaci gwamnatin tarayya da ta duba yiwuwar sauya tsarin tsaro a Najeriya.

Dr. Ahmad Lawan ya yi kiran ne a ranar Litinin, 30 ga watan Nuwamba, lokacin da ya jagoranci tawagar Shugaban kasa domin yi wa gwamnati da mutanen Borno jaje kan mummunan lamarin, jaridar The Sun ta ruwaito.

  Zamfara: Wani babban dan siyasa ya fadi ya mutu haka kurin a wajen Biki

A cewar Lawan, tsarin da ake dashi a kasa baya aiki, inda ya kara da cewa gwamnati na bukatar samun sabbin manufofi da kuma ganin yadda tsarin tsaron zai inganta.

A gefe daya kuma, Garba Shehu, babban mai ba Shugaban kasa Muhammadu Buhari shawara a kafofin watsa labarai, ya ce kiraye-kiraye da ake yi na a sallami shugabannin tsaro baya kan layi.